O Concello comenza as obras de asfaltado e humanización de Sanguiñeda por un valor de 700.000 euros

A alcaldesa mosense, Nidia Arévalo, acudiu esta mañá, acompañada polo concelleiro de Vías e Obras, José María Pereira, e por técnicos municipais á zona na que se están a realizar as melloras. REMITIDA.

Onte comenzaron en Sanguiñeda as últimas obras do Plan Estatal proxectadas en Mos. A alcaldesa mosense, Nidia Arévalo, acudiu esta mañá, acompañada polo concelleiro de Vías e Obras, José María Pereira, e por técnicos municipais á zona na que se están a realizar as melloras para interesarse polas alegacións ou propostas dos veciños.

O que se está a acometer na estrada de Sanguiñeda, é un traballo de asfaltado e humanización da mesma, dende a Avenida de Sanguiñeda ata a Ponte do Senlle, no que se investirán máis de 700.000 euros. Durante a visita de hoxe, a alcaldesa de Mos destacou que “ata o de agora ninguén se interesara polos afectados destas obras, o proxecto inicial foi elaborado sen ter en conta as afeccións, pero agora o goberno municipal que dirixo farase eco das alegacións e propostas dos veciños na modificación do proxecto que se vai a realizar”. E é que a rexedora local percorreu casa por casa esta mañá, xunto ó edil de Vías e Obras, as vivendas afectadas escoitando e tomando nota das peticións dos veciños.

Arévalo declarou tamén que “esta é a séptima e última das obras incuídas no Plan Estatal para Mos e hoxe maniféstome "orgullosa porque o meu equipo de goberno as executou todas nun tempo récord”.