Alumnos dos colexios de Atín e Castro-Mos realizan a parte do Camiño de Santiago que pasa polo municipio mosense

Tras xogar á ‘pita’ cos nenos e nenas, Arévalo declarou que 'os nosos cativos precisan coñecer o entorno que lles rodea para se situaren e recoñecer os recursos máis próximos, deste xeito, as saídas ó entorno como a que hoxe realizaron son unha oportunidade para aprender nun ámbito lúdico que lles proporciona, ademais, un espazo de convivencia fóra do habitual'. REMITIDA.

Noventa escolares de 5º e 6º curso de primaria dos colexios mosenses CEIP de Atín e CEIP Castro-Mos realizaron este xoves unha saída co título 'Coñece o Camiño de Santiago ó seu paso polo Concello de Mos', organizada pola concellería de Educación.

Os obxectivos desta actividade son achegar ós pequenos e ás pequenas o Camiño de Santiago, descubrir novas formas de ocio no seu entorno, fomentar o interese polo noso patrimonio municipal, favorecer un espazo de cooperación cos colexios de Mos para promover a cultura, dinamizar o calendario escolar.

A excursión partiu pola mañá do Pazo de Mos, onde coñeceron as instalacións e escoitaron un relatorio histórico sobre o municipio, logo realizaron a parte correspondente do Camiño de Santiago ata o Milenario parando no albergue municipal de peregrinos para visitalo e coñecelo mellor, e a continuación, no campo de Santiaguiño, realizaron xogos. Tras xogar á ‘pita’ cos nenos e nenas, Arévalo declarou que "os nosos cativos precisan coñecer o entorno que lles rodea para se situaren e recoñecer os recursos máis próximos, deste xeito, as saídas ó entorno como a que hoxe realizaron son unha oportunidade para aprender nun ámbito lúdico que lles proporciona, ademais, un espazo de convivencia fóra do habitual".