O programa de acción social, Actívate, da Deputación de Pontevedra chega a Mos da man das concellerías de Participación Cidadá e Formación e Emprego, dirixidas polos edís Julia Loureiro Campo e Gerardo Alonso Porto, respectivamente.
Este programa oferta cursos de formación dirixidos a mozos de entre 16 e 35 anos. Trátase de cursos de 30 horas de duración que se impartirán durante os meses de setembro, outubro e novembro do presente ano 2009.
Os interesados en anotarse deben saber que o prazo de inscrición está xa aberto e rematará o vindeiro día 20 de xullo, e que poden elixir entre cursos de inglés, francés, portugués, informática, Internet, monitores de tempo de lecer, coidadores de axuda no fogar, mecánica do automóbil, prevención de riscos laborais, maquillaxe e estética, costura e bordado, e albanelería. Para obter máis información poden dirixirse ó Centro Multiusos das Pozas onde se atopa ubicada a concellería de Participación Cidadá, ó CDL (Centro de Desenvolvemento Local) onde se atopa a concellería de Formación e Emprego, ou ós números de teléfono 986339404 e 986487733.
|
