Mondariz acolle este domingo a III edición da Baixada de Carrilanas

Mondariz acolle un ano máis a Baixada de Carrilanas que xa vai na súa terceira edición. Será no domingo 27 de xullo, a partires das 16.00 horas no lugar das Paredes. Proba puntuable para o campionato galego en tódalas súas categorías. Durante a mañá farán unha exposición aquí na praza con motivo da feira dos domingos.

No mesmo día, a partires das 19.00 horas no campo de fútbol da Lagoa xógase un triangular entre os equipos R.Murcia, R.C. Celta, e o Mondariz C.F. Para rematar a xornada de domingo, as 21.00 horas a Compañía de Teatro de Miro Magariños representa no Auditorio do Centro Social de Mondariz a obra 'A verdadeira historia de Pitita Braun', recomendada para os maiores de 14 anos.