A Deputación expropia 315 metros cadrados nas obras da Estrada Provincial Mondariz-Meirol

A Deputación de Pontevedra fixo efectiva onte a orde de expropiación de 315 metros cadrados de terreo, como parte das actuacións de mellora de trazado e pavimento que se están a levar a cabo na E.P. 4303 Mondariz-Meirol (Mondariz).

O Pleno da Deputación do pasado mes de marzo aprobou o informe do servizo técnico da institución provincial que xustifica a urxencia de acometer as obras da estrada provincial que une Mondariz con Meirol, "debido á necesidade de mellorar o trazado e a pavimentación e, deste xeito, evitar, na medida do posible, os accidentes e a perigosidade que supoñen para a circulación". Os expedientes das devanditas expropiacións poderanse consultar nas dependencias do Servizo de Vías e Obras da Deputación de Pontevedra.