|  | | | | | Os concelleiros de Turismo e Patrimonio de A Guarda. | | | |
A concello da Guarda encargou unha marca para a posta en valor de tódolos recursos turísticos do municipio. A concellería de Turismo presentou o logo aos medios de comunicación. Segundo a concelleira Montserrat Magallanes, "era unha necesidade". Agora o logotipo aparecerá en tódolos os materiais (papelería, bolsas, bolígrafos e roupa) que o concello ofrecerá de balde aos visitantes e Turistas. Magallanes destacou do novo instrumento que resalta valores coma o monte Tegra, a vinculación do municipio co Norte de Portugal e o concepto de Natureza que recolle tamén o lema "A Guarda, horizonte natural", sen falta a representación do mar e o río. A concelleira afirmou que uns 4.000 euros custou a elaboración do concepto de marca. Agora, o segundo paso, afirmou Magallanes, vai ser elaborar o manual de identidade corporativa.
Pola súa parte, o concelleiro de Patrimonio, Javier Crespo, presentou tamén a ruta polo municipio. A ruta urbana, número 1, que percorre a Guarda medieval e moderna pola praza do reló, o Muro, as Benedictinas, e a Guarda mariñeira: o porto, rúa Malteses. A ruta urbana vai destinada a aqueles turistas que nunhas horas quere coñecer o imprescindible da Guarda. A ruta percorre a zona vella da vila e os lugares máis representativos así como algunhas das casas indianas máis relevantes do municipio. O concelleiro anunciou outros lugares como Casa da Cultura, Alameda, Via crucis, a capela da Guía que serán integrados noutras rutas.
A ruta urbana ten unha duración de entre hora e hora e media. Tódolos xoves e venres, ás 12.00 horas, con saída da praza do reló, o concello pon guías para facer acompañados esta ruta. Pola tarde haberá tamén outro guía nos castros do monte Tegra. Para aqueles que a fagan pola súa conta, editáronse 2.000 folletos explicativos da ruta que foron distribuídos en restaurantes e hoteis e noutros puntos de interese do municipio.
Para este sábado, día 12, en colaboración coa Sociedade de Amigos de Camposantos, o concello organiza unha ruta medioambiental chamada ruta da Ribeira do Miño que percorre enclaves de alto valor paisaxístico, etnográfico, faunístico e botánico. Esta será a terceira ruta xa que a primeira foi a ruta dos Marcos, tamén en colaboración coa Sociedade. |
