|  | | | | | O DJ francés Pascal Kleiman, residente en Valencia, vive e traballa sen brazos, utilizando tan só os seus pés. | | | |
'Mixers Music Festival 08' é o nome do evento ca Asociación de persoas con discapacidade do Baixo Miño - Vontade está a organizar e que previsiblemente reunirá a máis de 3.000 persoas no Antigo Campo de Fútbol Santa Negra, na Alameda de A Guarda o vindeiro día 4 de xullo. Durante máis de sete horas, e por primeira vez en Galicia, os afeccionados á música electrónica poderán gozar do talento de sete coñecidos DJ’s entre os que se atopan o francés afincado en Valencia Pascal Kleiman ou o holandés Olof Mengede, e ao mismo tempo demostrar a sua solidariedade.
Este acontecemento pioneiro pretende acercar a discapacidade á sociedade en xeral, demostrando que independentemente das limitacións persoais, todas as persoas ten capacidades. Os propios mozos e mozas da Asociación Vontade, membro da Federación de persoas con discapacidade da provincia de Pontevedra (COGAMI-Pontevedra), levan meses organizando este Festival co fin de recaudar fondos para as actividades da entidade. Para elo contan coa colaboración do Concello de A Guarda, Caixanova e La Caixa.
O prato forte será sen dúbida Pascal Kleiman, quen demostrará que a discapacidade non é un obstáculo cando se ten talento e capacidade de traballo. Este DJ francés, residente en Valencia, vive e traballa sen brazos, utilizando tan só os seus pés. Xunto a el actuarán tamén algúns dos DJ’s máis coñecidos da zona de Vigo e o Baixo Miño: André Vasquezs (Club Wamba); Chimo (Malizzia – Pide Pista); Maury (Discoteca Troll – Terraza Paradise); e DJ Anabel (que reside en Inglaterra e traballa nos mellores Clubes de música electrónica de Londres). Por outra banda, o DJ Botzh acompañado de Flydrums protagonizarán un espectáculo de música electrónica e percusión, tal e como o fan a miúdo no Clube Englobe. Pero ademais de música a noite estará amenizada con visuals e sorteos, todo elo presidido por unha barra de 30 metros de lonxitude.
As entradas teñen un prezo de 5 euros e pódense adquirir de xeito anticipado no Amadeus (Tui) e en Xan Xerome (A Guarda) ou chamando ao teléfono 986 623 044.
|
