|
A Deputación de Pontevedra e o Concello de Crecente asinarán un convenio de colaboración para executar obras de mellora da seguridade vial e dotación de servizos no antigo acceso ó municipio. O investimento previsto ascende a 753.054,46 euros dos cales a Deputación asumirá 602.443,56 euros e o Concello 150.610,90 euros, que serán financiados en tres anualidades.
A entidade provincial asumirá a licitación, dirección, execución e recepción da obra. Pola súa banda, o Concello deberá poñer a disposición da Deputación os terreos necesarios para poder levar a cabo os traballos, así como de obter a correspondente licenza municipal e tramitar ante outros organismos as autorizacións pertinentes.
Unha comisión de coordinación, da que formaran parte responsables técnicos e políticos de cada administración, será a encargada de facer o seguimento, control e cumprimento do acordo.
|
