|
'Combater pragas e enfermidades na agricultura' é o nome dun cursillo gratuito que terá lugar o vindeiro venres 27 de xuño no Centro Comarcal A Paradanta (A Cañiza), dende as 16.00 ata as 20.00 horas.
Un curso que dividirase en dous bloques. No primeiro o tema será 'Iniciación á agricultura ecolóxica' e falarase sobre os efectos non desexados da produción intensiva, definición da produción ecolóxica; producións implicadas, lexislación, manexo do solo, control de pragas e enfermidades, manexo de malezas, caracterización do consumidor, potencial de mercado, diferenzas entre mercado convencional e ecolóxico, e presentación de fincas de horta ecolóxica, leite e carne de vacún.
No segundo bloque, titulado 'Recoñecer e combater as pragas e enfermidades dos cultivos', os contidos serán clasificación e control ecolóxico, o funcionamento do agroecosistema, leis xerais, ademais do recoñecemento de mostras traídas polos asistentes, etcétera.
As inscricións podénse facer no propio centro comarcal chamando ó número 986.66.33.29 ou por correo electrónico ccparadanta@comarcasdegalicia.com.
|
