Rematan as obras da estrada Sabarís-Belesar para reparar os desperfetos das riadas

Louzán e Almuiña visitaron a estrada remozada.

As obras consistiron na construción de novas beirarrúas na zona máis poboada da estrada, canalización de pluviais, dotación de sinalización horizontal e vertical, pasos de peóns e mellora do firme da estrada. Esta mellora implicou tamén o ancheo do vial en 1,5 kilómetros. O traballo respondeu a dous principios: a prevención de inundacións (pois a auga procedía das choivas e de canles de fincas) e a humanización do tramo.

Almuiña destacou que as canalizacións levarán a auga ó río nun colector de 600 metros e Louzán lembrou a rápida intervención da Deputación nas riadas do ano pasado, actuando con brigadas e maquinaria propia.

Con esta actuación, mellorouse sensiblemente a seguridade vial dunha das estradas máis transitadas de Baiona, dando prioridade ó acceso peonil dos colexios enclavados na zona. No colexio de Sabarís, instalouse sinalización luminosa, bandas sonoras e pasos peonís, e no de Belesar melloraronse os accesos para dar prioridade ós peatóns e escolares.

Coa obra, a Deputación colaborou na execución de obras de saneamento na parroquia de Santa Cristina e Belesar. Actualmente, as brigadas de obras da Deputación traballan no acondicionamento de rúas e camiños de Baiona.

A Deputación investiu 200.000 euros na reparación do colector-interceptor da conca do Caeiro. Esta mellora posibilitará unha mellor drenaxe das augas procedentes da choiva e resolverá, en gran medida, os problemas de inundacións que padece a zona baixa de Sabarís, catalogada como zona urbana, ó desviar ó río as augas procedentes da conca do Caeiro.